آئين ۾ مواخذي جو ذڪر ته آهي پر قاعدا ۽ ضابطا ناهن:اٽارني جنرل

لنڊن (فارين ڊيسڪ) اٽارني جنرل ملڪ قيوم چيو آهي ته صدر مشرف کيس ٻڌايو آهي ته سندس استعيفا جون خبرون بي بنياد آهن ۽ هن اهڙو ڪو ڏوهه ناهي ڪيو جو هو استعيفا ڏي، اٽارني جنرل چيو ته آئين ۾ صدر جي مواخذي جو طريقيڪار ته ڏنو ويو آهي پر ان حوالي سان قاعده ۽ ضابطا واضح ناهن، بي بي سي سان ڳالهائيندي هن چيو ته صدر خلاف اڃا تائين ڪو الزام نه لڳايو ويو آهي، ان ڪري ان بابت جواب ڏيڻ ممڪن ناهي، ملڪ قيوم چيو ته آئين تحت ڪو به ادارو ٻئي اداري جي اختيارن ۾ مداخلت نه ٿو ڪري سگهي.