روزانه ڪاوش

ڏهه لک ڊالر ملڻ جي صورت ۾ ئي  3 ملڪي سيريز کيڏنداسين:سريلنڪن بورڊ جو مطالبو

ڪراچي(اسپورٽس ڊيسڪ)سريلنڪن ڪرڪيٽ بورڊ پاڪستان ڪرڪيٽ بورڊ جي تجويز ڪيل ڏکڻ آَفريقا ۾ ٿيندڙ غير شيڊيولڊ 3 ملڪي سيريز ۾ شرڪت لاءِ پي سي بي  کان  10 لک  آمريڪي ڊالرن جو مطالبو  ڪري ورتو آهي.واضح رهي ته چيمپئنز ٽرافي ملتوي ٿيڻ کانپوءِ پاڪستان ان جو خال ڀرڻ لاءِ ڏکڻ آفريقا ۾ 3 ملڪي سيريز ڪرائڻ چاهي ٿو. پاڪستان سريلنڪن بورڊ   کي 3 لک ڊالر ڏيڻ جي آڇ ڪئي  آهي، پر سريلنڪن بورڊ پي سي بي جي مجبوريءَ  مان فائدو حاصل ڪرڻ  چاهي ٿو ۽ 10 لک آمريڪي ڊالر گهري ورتا آهن، جڏهن ته اسپانسرز  نه ملڻ ڪري ڏکڻ آَفريقا ۾  ٿيندڙ 3 ملڪي سيريز  جي نه ٿيڻ جا امڪان  پڻ وڌي  رهيا آهن،جڏهن ته ٿي سگهي ٿو ته پاڪستان جون ڪيل سموريون ڪوششون ضايع ٿي وڃن.