(ق)ليگ پاران پنهنجي سڃاڻپ قائم رکندي مخالف ڌر ۾ئي رهڻ جو اعلان؛ ملڪ نين چونڊن جي سٽ برداشت نه ڪري سگهندو:مشاهد

اسلام آباد (بيورو رپورٽ) مسلم ليگ ق جي صدر چوڌري شجاعت حسين چيو آهي ته سياست ۾ ملاقاتن جو سلسلو  هلندو رهندو آهي پر  مسلم ليگ ق پنهنجي سڃاڻپ قائم رکندي اپوزيشن جي بئنچن تي ئي ويهندي،  اسلام آباد ۾ مسلم ليگ ق جي مشاورتي اجلاس بعد نيوز ڪانفرنس کي خطاب ڪندي چوڌري شجاعت حسين چيو ته مسلم ليگ ق ملڪ جي مفاد ۾ هر سياسي پارٽي سان گڏ هلڻ لاءِ تيار آهي،  مشاهد حسين چيوته ملڪ  نيون چونڊون برداشت نه ٿو ڪري سگهي ۽ نه ئي عوام ان لاءِ تيار آهي، هڪ سوال جي جواب ۾ چوڌري شجاعت حسين  چيو ته اڪبر بگٽي قتل ڪيس  ۾ واعدي معاف گواهه جي باري ۾ طلال بگٽي جي ڏنل بيان ۾ ڪا به صداقت ناهي.  چوڌري پرويز الاهي چيو ته هن نواز شريف سان ملاقات ناهي ڪئي.