آصف جو اڱاري تي صدارتي حلف کڻڻ جو امڪان،بلاول اڄ ڏيهه پهچندو
اسلام
آباد (بيورو رپورٽ) پ پ جو ڪوچيئرمين ۽ نئون صدر آصف زرداري 9
سيپٽمبر اڱاري تي پنهنجي عهدي جو حلف کڻندو، پ پ جي ذريعن
موجب سندس پٽ ۽ پ پ چيئرمين بلاول ڀٽو زرداري اڄ ڏيهه پهچي
رهيو آهي، هوڏانهن ايوان صدر جي ذريعن جو چوڻ آهي ته حلف
برداري لاءِ انتظام مڪمل ڪيا ويا آهن. ان ڏس ۾ دعوت نامه اڄ
جاري ڪيا ويندا، پ پ ذريعن جو چوڻ آهي ته حلف کڻڻ بابت اڃا
حتمي فيصلو ناهي ٿيو، پر سومر يا اڱاري تي حلف برداري تقريب جو
امڪان آهي. جڏهن ته پ پ ذريعن موجب آصف زرداري صدر جو حلف کڻڻ
کان اڳ شهيد راڻي بينظير ڀٽو جي مزار تي حاضري لاءِ ڳڙهي خدا
بخش ويندو.