ڀاشا ڊيم ٺاهڻ تي چار ئي صوبا راضي آهن: پرويز اشرف

لاهور (مانيٽرنگ ڊيسڪ) پاڻي ۽ بجلي واري وفاقي وزير راجا پرويز اشرف چيو آهي ته ڀاشا ڊيم قومي منصوبو آهي، جنهن لاءِ چئني صوبن جي رضامندي موجود آهي ۽ هي منصوبو 8 سالن ۾ مڪمل ڪيو ويندو، لاهور ۾ مقامي ڪمپني جي هاءِ پاور ٽرانسفارمر جي افتتاحي تقريب سان خطاب ڪندي راجا پرويز اشرف چيو ته ڀاشا ڊيم منصوبي لاءِ ڪنهن به قسم جي مخالفت نه آهي ۽ هن ۾ ٻين ڊيمن جي مقابلي ۾ پاڻي جو وڌيڪ مقدار ذخيرو ڪرڻ جي صلاحيت هوندي، هن چيو ته ڊيم مان ساڍا چار هزار ميگا واٽ سستي بجلي پيدا ٿي سگهندي.