ريڊي ميڊ گارمينٽس جي ايڪسپورٽ ۾ 36 سيڪڙو لاٿ

ڪراچي (ڪامرس ڊيسڪ) ملڪ ۾ ريڊي ميڊ گارمينٽس جي ايڪسپورٽ ۾ گذريل آگسٽ مهيني دوران 36 سيڪڙو لاٿ اچي وئي آهي ۽ اها ايڪسپورٽ 154.966 ملين ڊالرز مان گهٽجي 99.579 ملين ڊالرز تي پهتي آهي، ان سلسلي ۾ ريڊي ميڊ گارمينٽس ايڪسپورٽرز ۽ مينوفيڪچرز جو چوڻ آهي ته ريڊي ميڊ گارمينٽس جو پيداواري خرچ وڌڻ سبب ايڪسپورٽ ۾ لاٿ اچي وئي آهي ۽ هاڻي اسان لاءِ پرڏيهه مان واپاري گهرائڻ به ڏکيو ٿي پيو آهي، هنن چيو ته يوٽيلٽيز جي فراهمي ۾ تعطل به گارمينٽ سيڪٽر جي صنعت کي متاثر ڪيو آهي.