ايندڙ 2 سالن ۾ 20 ارب ڊالرن جي امداد ۽ سيڙپڪاري جي اميد آهي:شوڪت ترين

اسلام آباد (مانيٽرنگ ڊيسڪ) وزيرا عظم جي ناڻي بابت صلاحڪار شوڪت ترين چيو آهي ته هلندڙ مالي سال دوران مجموعي قومي پيداوار جي شرح 4 سيڪڙو ۽ مهانگائي جي شرح 20  سيڪڙو کان  وڌي  ويندي، جڏهن ته ايندڙ 2  سالن ۾ 20  ارب ڊالرن جي ڪل امداد ۽ سيڙپڪاري  جي توقع آهي، خانگي ٽي وي سان  ڳالهائيندي هن چيو ته ترقياتي خرچن جا 400 ارب رپيا  بئنڪن ۾ غير  استعمال ٿيل پيا آهن،  تنهن ڪري ترقياتي منصوبن کي ترجيحي بنيادن تي ڏٺو پيو وڃي،  هن اميد  ظاهر ڪئي ته آءِ ايم ايف کانسواءِ 5 کان 7 ارب ڊالر امداد ٻين ادارن ۽ 5 کان 6 ارب ڊالر دوست ملڪن کان  سيڙپڪاري ٿيندي، هن چيو ته افراط زر کي گهٽ قرض وٺڻ سان 20  سيڪڙو تائين آڻي سگهجي ٿو ۽ عام  ماڻهو کي  ايندڙ 12 کان 18 مهينن ۾  قيمتون  گهٽائي رليف  ڏنو ويندو، هن چيو ته اسٽاڪ مارڪيٽ، ريئل اسٽيٽ ۽ زرعي آمدني تي ٽيڪس ضرور  لڳڻ گهرجي.