گورنر ۽ سٽي ناظم جي لنڊن ۾ الطاف سان ملاقات: اسٽريٽ ڪرائيم سميت وڌندڙ ڏوهن کي روڪيو وڃي:الطاف

ڪراچي (بيورو رپورٽ)سنڌ جي گورنر ڊاڪٽر عشرت العباد ۽ ڪراچي جي سٽي ناظم سيد مصطفيٰ  ڪمال  ايم ڪيو ايم جي سربراهه الطاف حسين سان لنڊن ۾ ملاقات ڪئي آهي، جنهن ۾ ايم ڪيو  ايم سربراهه ڪراچي ۾ بهتر ڪم ڪرڻ تي سٽي ناظم کي خراج تحسين پيش ڪيو آهي، ايم ڪيو ايم مرڪز نائن زيرو تان جاري ٿيل بيان موجب گذريل ڏينهن لنڊن سيڪريٽريٽ ۾ ايم ڪيو ايم جي سربراهه الطاف حسين سان سنڌ جي گورنر ۽ سٽي ناظم ڪراچي ملاقات ڪئي، جنهن ۾ گورنر پنهنجي سربراهه کي ملڪ جي موجوده سياسي ۽ معاشي صورتحال کان آگاهي ڏني، جڏهن ته سنڌ جي اتحادي حڪومت سان هلندڙ لاڳاپن بابت کيس تفصيلي ڄاڻ ڏني، الطاف حسين گورنر ۽ سٽي ناظم سان ڳالهائيندي چيو ته ضرورت ان ڳالهه جي آهي ته سنڌ اندر اسٽريٽ ڪرائيم، ڀنگ لاءِ اغوا ۽ وڌندڙ ڏوهن کي روڪيو وڃي ۽ امن امان جي صورتحال کي وڌيڪ بهتر ڪيو وڃي جيئن واپارين ۽ سيڙپڪارن ۾ تحفظ جو احساس پيدا ٿئي.