|
روزانه ڪاوش |
|
عطائي ڊاڪٽرن خلاف سخت ڪارروائي ڪئي ويندي:سيڪريٽري صحت خيرپور (ن ڪ) سيڪريٽري صحت شفيق احمد کوسو چيو آهي ته عطائي ڊاڪٽرن خلاف سخت ڪارروائي ڪئي ويندي، جنهن لاءِ نئون قانون جوڙيو پيو وڃي، سول اسپتال خيرپور ۾ آءِ سي يو جي دوري کانپوءِ صحافين سان ڳالهائيندي سيڪريٽري چيو ته سنڌ جي وڏي وزير پوليو مهم ۾ دلچسپي ورتي آهي، هر حال ۾ سنڌ مان پوليو جو خاتمو آندو ويندو، هن چيو ته سنڌ ۾ ماڻهو لڏ پلاڻ ڪن ٿا. جنهن ڪري پوليو جا ڦڙا پيارڻ ۾ عملي کي سخت تڪليف ٿئي ٿي.، هن چيو ته دوائن کي معياري بڻائڻ لاءِ خالي پيل جاين تي درگ انسپيڪٽر جلد مقرر ڪيا ويندا، هن چيو ته وزير اعليٰ سنڌ ۾ 5 اسپتالن ۾ ٽيچنگ اسپتالون قائم ڪرڻ جو اعلان ڪيو آهي، جن ۾ مريضن لاءِ گهربل سموريون سهولتون مهيا ڪيون وينديون. |